Қазақстандағы машинистер пойыздардың қауіпсіз қозғалысы үшін «БОРТ» жүйесіндегі жаңа шешімдерді жоғары бағалады

Бейне: (қарау)

2022 жылғы 8-20 қыркүйек аралығында Алматы–Сарыөзек учаскесінде «Транстелесофт» ЖШҚ, «АВП Технология» ЖШҚ әзірлеушілерінің және «Транстелесофт» ЖШС борттық жүйелерге қызмет көрсету қызметінің тапсырыс беруші «ҚТЖ» ҰК» АҚ өкілдерімен бірге «БОРТ» локомотивтік қозғалыс қауіпсіздігі жүйесімен біріктірілген УСАВП автожүргізу жүйесі орнатылған ТЭП33А локомотивтерінде сынақ сапарлары өтті.

Жаңа шешімді бұрын назары екі мониторға бөлінетін барлық машинистер оң бағалады.

Енді автожүргізу жүйесінің ақпараттық экраны «БОРТ» қауіпсіздік жүйесінің мониторына орналастырылған, деректерді енгізу бірыңғай ОМИ мониторындағы сенсорлық пернетақта арқылы жүзеге асырылады.

Сынақ сапарлары барысында алғаш рет Борт жүйесінен Автожүргізу жүйесіне жылдамдық мәнінің жүздік үлеске дейінгі дәлдікпен берілуі сәтті тексерілді.

Ұзақ көтерілу, серпантин және түсу элементтері бар осы күрделі учаскеде жаңа шешімдерді тәжірибелік пайдалану жалғасуда, әзірлеуші өкілдерінің қатысуымен машинистерді пойызды автоматтандырылған жүргізу режимдеріне үйрету жұмысы жүргізілуде.

Технологияны одан әрі тарату үшін ТЭП33А тепловоздарының барлық айналым учаскелеріне арналған электрондық карталар дайындалуда.